top of page
Duosida logo

電動車充電模式總表

2024年電動車充電模式總表|今日同大家講下有關電動車充電小知識,會分為三個部份同大家簡單講解,由淺入深,希望讓電動車車主清晰了解,唔再盲摸摸。


一:電動車充電裡什麼是直流 (DC) 及交流 (AC)?

簡單黎講,我地日常用既電力傳輸系統都係採用交流電 (Alternating Current) ,因為損耗較低,傳輸成本亦都因此較低。至於電動車充電,普遍將 DC 歸類為快充,AC 歸類為中充/慢充。有少部份充電機及電動車亦支援 AC 快充,不過我地先在此省略。


duosida電動車充電DC及AC

二:什麼是慢充/中充/快充及單相/三相?


電動車充電-慢速充電

簡單來說,一般用家對三腳插絕不陌生,如果充電器插口是三腳插,那便屬於 13A 的慢速充電。這種充電方式對有充份時間,使用率低的車主於家中充電比較適合。


慢速單相供電計算功率

  • 單相 13A = 13 x 220 x 1 / 1000 = 2.86kW




電動車充電-中速充電

一般而言,中速充電是指功率低於20kW。另外,如果充電器插口是可以用工業插頭 (例如藍頭 單相16/32A 及 紅頭 三相16/32A)等中速充電線插入的,就是中速充電。中速充電速度主要是介乎於:單相 16A / 單相 32A;三相16A / 三相 32A。根據運輸署9月的報告,此類中速充電位全港數量最多,多達2,871個。


AC單相/三相供電計算功率

  • AC 單相 16A = 16 x 220 x1 / 1000 = 3.52 kW

  • AC 單相 32A = 32 x 220 x 1 / 1000 = 7.04 kW (較主流)

  • AC 三相 16A = 16 x 220 x 3 / 1000 = 10.56 kW



電動車充電-快速充電

快速充電可分為直流 (DC) 及交流 (AC)兩種,現時電動車充電快速充電位僅有不足一千個,而且很多充電站僅有一至兩個。


直流 (DC) 及交流 (AC)供電計算功率

  • AC交流電:三相 32A = 32 x 220 x 3 / 1000 = 21.12 kW (較主流,約2.5小時可以充滿55kW電池)

  • DC直流電:功率可以高達50-120kW,效能最高,充電時電能不會損失太多,充滿55kW電池僅花1小時左右。



三:電動車充電要選擇哪一個充電模式?

首先,充電插頭/插座可以分為三個部份:車端、牆端及線端。唔同模式之下,有啲充電機會自帶充電線,有啲就要自備。


DUOSIDA電動車充電


Mode 1: 牆身 AC 插座直駁輸入電動車 (非主流)

電流會直接經電線輸入電動車。由於缺乏安全機制,好多國家都禁止呢款充電設計,而家只有少部份電動單車、電動滑板車等採用呢個設計。


Mode 2: 牆身 AC 經控制器輸入電動車

我地常用既 Tesla UMC 就屬於 Mode 2 充電。充電線中間有部機仔(控制器/Portable Charger),係用黎保護牆端電力系統及車端既電源管理系統。充電線既牆端可以係家用插頭 (例如香港常用既英規 13A) 或工業插頭 (例如藍頭 單相16/32A 及 紅頭 三相16/32A)。更多 UMC 相關資料,可以閱讀 Tesla UMC 一代同二代到底有咩唔同?




Mode 3: AC 直入牆身控制器,再經充電線輸入電動車

Mode 3 同 Mode 2 都有部機仔(控制器/Portable Charger),不過 Mode 3 既控制器有一個條件,就係要永久性地接駁電源,姐係我地常見既WALLBOX (而 Mode 2 係可隨時插拔既家用插頭/工業插頭)。通常我地常用既中電、港燈或坊間停車場的中速充電都係呢個類別。而好多中速充電站屬於不自帶充電線既 Mode 3 充電器,車主需要自備充電線。



duosida電動車充電-中速充電

如中電的Mode 3 充電器中速充電站,車主需要自備充電線


Mode 4: AC 直入牆身控制器,轉換成 DC 後再經充電線輸入電動車

此為唯一一個直流充電方式,Tesla Supercharger 就係屬於呢一類。充電器通常都比較大,負責進行電流轉換,充電器成本亦比交流充電貴好多,當然好處係充電速度比交流電快得多。



duosida電動車充電-快速充電

如中電快速充電器屬於自帶線既 Mode 3 (AC) + Mode 4 (DC) 充電器,車主無需自備充電線



duosida電動車充電-tesla-快速充電

TESLA電動車充電-快速充電器


今日講住咁多先,總之如果大家要買電動車充電線/Portable Charger去進行中充/快充,記得要揀有信心保證既店鋪,最好有門市,良好既售後服務,產品有購買公眾責任保險及保養,如果大家會港車北上,記得揀d係內地/澳門都有支援既品牌,咁就玩得安心又放心。


電動車充電器安裝- 常見問題

  1. 收到客戶查詢後,工程人員會實地考察,評估周邊環境是否適合安裝電動車充電設施。現場視察環境後根據需要直接按照充電器安裝需求列表報價給車主。

  2. 檢視大廈/村屋電力需求。 如有需要,安排向電力公司申請額外供電,以供電動車充電使用,亦會代辦所有相關文件,務求令整個充電器安裝工程更快、更流暢。

  3. 符合機電署認證的工程人員進行專業安裝工程,舖設電力線路、安裝開關掣及相關安全設施。

  4. 安裝電動車充電器。 如有額外需要,同時安裝防盜及防水箱等等。

  5. 完成安裝電動車充電器,進行充電測試及客人驗收,解釋電動車充電器使用方法及保養事宜。


Duosida HONG KONG 所有產品擁有合資格產品認證,以及符合機電工程署註冊電業承辦商註冊電工,是專業安裝規格的系統供應商,為客戶提供一站式充電服務方案,從電力佈局、充電器安裝、實地視察及測試,充電器保養售後服務。


作為消費者一定要小心挑選高效、可靠、安全、簡易的電動車充電設備。Duosida Hong Kong 是Duosida 電動車充電設備的香港唯一代理,更設有門市及支援點,地點分佈於香港,內地及澳門,為電動車用家致力提供完善的電動汽車充電方案及支援。憑著多年於電動車領域的豐富經驗,不斷將產品革新優化,務求讓用家獲得專業、高效能的電動汽車充電體驗。


查詢及預約:+852 6373 8633

官方網頁: www.duosida-hk.com

總店: 香港洪水橋丹桂村路37號 (歡迎預約)

Comments


bottom of page